انت هنا : الرئيسية » مطبخ حواء » استيك اللحمة بالصلصة البيضاء والمشروم

استيك اللحمة بالصلصة البيضاء والمشروم

استيك اللحمة بالصلصة البيضاء والمشروم
المقادير:
½ كيلو لحم بقري مقطع لشرائح
علبة مشروم
شرائح جبنة شيدر أو جبنة رومي
ثمرة فلفل أخضر مقطّعة قطع صغيرة
ثمرة طماطم مقطعة قطع صغيرة
زيت أو زبدة
ملح وفلفل

مقادير الصلصة البيضاء:
4 ملاعق كبيرة دقيق أبيض
2 كوب لبن
ملح وفلفل
ثوم مفروم
زبدة
جبنة كيري أو مثلثات

الطريقة:
1- تبلي اللحمة بالبصل والملح والفلفل، وسيبيها شوية لغاية ما تتشرّب من التتبيلة بتاعتها.

2- أحضري طاسة وحطي فيها شوية زيت وزبدة، وحطيها على النار، وابدئي شوّحي فيها قطع اللحم لغاية ما لونها يبدأ يميل للإحمرار، وبعد كده قلّبي شريحة اللحم على الوجه الآخر واستمري على كده لغاية ما تحسي إن اللحمة استوت.

3- أحضري طاسة تانية، وحطي فيها كمية من الزيت والزبدة علشان تشوّحي فيها المشروم وبعد ما يدخل في السوى ضيفي الفلفل والأخضر والطماطم، وقلبيهم كلهم مع بعض.

4- لتحضير الصلصة البيضاء؛ حطّي الدقيق واللبن والثوم والملح والفلفل الأبيض والجبنة مع بعض في الخلاط، واضربيهم كويس لغاية ما تحسّي إن كل المكوّنات تجانست مع بعض، وممكن تزوّدي ميه لو احتجتي، وبعدين حطّي الخليط ده على نار متوسطة مع التقليب المستمر لغاية ما تحصلي على القوام اللي إنتِ عايزاه.

5- بعد كده اخلطي الصلصة البيضاء مع خليط المشروم والفلفل الأخضر والطماطم، وقلّبيهم كلهم مع بعض كويس على نار هادية لمدة 10 دقائق.

6- في النهاية، حطّي الخليط ده على الاستيك في طبق التقديم، وممكن تقدّمي معاه مكرونة أو رز أبيض.. وبالهنا والشفا.

عن الكاتب

عدد المقالات : 682

اكتب تعليق

لابد من تسجيل الدخول لكتابة تعليق.

الصعود لأعلى